Россия самолётлари чет эл ҳаво кемаларини тўхтатиб қолиш учун бир ҳафтада тўрт марта ҳавога кўтарилди, бошқа мамлакатларнинг жами 22 та учар қурилмалари Россия чегаралари бўйлаб разведка олиб борган, деб ёзади «ТАСС» мудофаа вазирлигига таяниб.
Россия денгиз чегаралари бўйлаб эса учта кема разведка олиб борган.
Бундан ташқари, маълумотларга кўра, америкалик мутахассислар Россия ҳудудида Стратегик ҳужумкор қурол-яроғларни янада қисқартириш ва чеклаш чора-тадбирлари ҳақидаги шартнома доирасида иккита инспекция ўтказган. Россиялик мутахассислар ҳам ушбу шартнома доирасида АҚШда инспекция олиб борган. Яна бир инспекцияни улар Норвегия ҳудудида 2011 йилги Ишонч ва хавфсизликни мустаҳкамлаш чора-тадбирлари ҳақидаги Вена ҳужжати доирасида ўтказган.
Изоҳ (0)