Украинанинг Одесса вилояти собиқ губернатори Михаил Саакашвили Россия президенти Владимир Путин ундан қўрқиши ҳақидаги фикрни билдирди. Бу ҳақда у Россия етакчиси катта матбуот анжуманида унинг шахсини тилга олгач, Facebook’даги саҳифасида ёзиб қолдирди.
«У мендан нафратланади ва ўлгудай қўрқади», — дея ишонч билдирди Саакашвили.
Шунингдек, сиёсатчининг фикрича, унинг уч кунлик ҳибсга олиниши Россия Федерал хавфсизлик хизмати ва Украина Хавфсизлик хизмати қўшма фаолиятининг натижаси бўлган. «Менга ишонинг, бундай баёнотларни шунчаки ҳаводан олмаслик учун менда тажриба етарлича», — деди у.
14 декабрь куни Москвада бўлиб ўтган катта матбуот анжуманида Владимир Путин телебошловчи Ксения Собчакнинг бўлғуси президент сайловларидаги мухолифат рақобати ҳақидаги саволига жавоб берди. Давлат раҳбари мухолифат ҳокимият тепасига аниқ бир дастурсиз келса, бу Россияда Майдонлар бўлишига, кўчаларда эса саакашвилилар югуриб юришига олиб келишини айтди.
Изоҳ (0)