«ВКонтакте» ижтимоий тармоғи ва Telegram мессенжери асосчиси Павел Дуров биткоинга инвестиция киритиб, 35 миллион долар даромад кўрганини айтиб берди. Бу ҳақда «Корреспондент.net» хабар қилмоқда.
Дуров тўрт йил муқаддам 1,5 миллион долларга биткоин пакетини сотиб олганини маълум қилди. Шу пайтга қадар ушбу пакет нархи 35 миллион долларга кўтарилди.
Шунингдек, Telegram асосчиси биткоиннинг келажагига ишонишини маълум қилди. У криптовалютани «рақамли олтин» деб атади.