Қозоғистоннинг Қарағанда вилоятидаги «Арселор Миттал Темиртау» ташкилотининг 200 нафар кончиси иш вақти тугаганидан сўнг шахтани тарк этишдан бош тортди, деб хабар беради «РБК».
Кончилар ва ташкилот раҳбарияти ўртасида келиб чиққан тортишув ишчиларнинг шундай қарорга келишига сабаб бўлган.
Тунги сменада ишловчи кончилар ер тагида қолган.
Хабарда қайд этилишича, кончилар норозилик намойиши бошланиши ҳақида бир кун аввал музокара бошлаган. Улар ташкилот раҳбариятини ўзларига тегишли бошқа шахталарни ҳам қўллаб-қувватлашга чорлаган. Норозилик намойиши ҳаммаси бўлиб тўртта шахтани қамраб олган.
« ‘Арселор Миттал Темиртау’ акционерлик жамияти кўмир департаментининг тўртта шахтаси ишчилари гуруҳи смена тугаганидан сўнг иш жойини тарк этишдан бош тортди. Компания раҳбарияти ва ходимлар манфаатларини ҳимоя қилувчи ‘Қорғау’ кўмирчилар касаба уюшмаси ўртасида меҳнат қонунчилиги доирасида мулоқот бошланди. Қолган шахталар штат режими бўйича ишламоқда», — дейилади хабарда.
Изоҳ (0)