АҚШ президенти Дональд Трампнинг маъмурияти 2018 йилнинг январь ойида бир триллион доллар сарфланиши режалаштирилаётган мамлакат транспорт инфратузилмасини қайта тиклаш бўйича дастурни тақдим этади, деб хабар беради The Wall Street Journal.
Трампнинг маслаҳатчилари инфратузилмани реконструкция қилиш учун федерал бюджетдан 200 миллиард доллар ажратишни таклиф қилмоқда. Қолган 800 миллиард доллар эса маҳаллий ҳукумат ва хусусий инвесторлар томонидан жалб қилиниши кўзда тутилмоқда.
Бунинг учун Америка президенти маъмурияти федерал бюджетдаги бошқа қисмлар бўйича харажатларни камайтиради.
Хабарда қайд этилишича, АҚШ конгресси Трамп жамоасининг ташаббусини қўллаб-қувватламаслиги ҳам мумкин. Сабаби, бундай қадам мамлакат бюджетидаги дефицитни янада оширади. Бироқ, Трамп жамоаси бу тахминга қарши фикр билдирмоқда. Уларни лойиҳани амалга оширишга собитлиги дастурнинг АҚШ аҳолиси томонидан қўллаб-қувватланишига асосланган.
Изоҳ (0)