«Челси» Лондон дербисида Мойес клубига мағлуб бўлди. «Тоттенҳэм»дан 5 та гол, «Лестер»да кетма-кет уч ғалаба

Англия Премьер-Лигасининг 16-турида «Вест Ҳэм» ва «Челси» клублари ўзаро тўқнаш келди.

Девий Мойес жамоани қабул қилиб олганидан сўнг «Вест Ҳэм» футболчилари кетма-кет икки мағлубиятга йўлиққанди. Унинг иккинчисида лондонликлар сал қолса Гвардиола бошқарувидаги «Сити»дан очко тортиб олиши мумкин эди.

Энди эса клуб куннинг марказий ўйини бўлган Лондон дербисида мамлакатнинг амалдаги чемпиони «Челси»ни таслим қилишга муваффақ бўлди. Шу тариқа Мойес янги жамоасидаги ғалабали сериясини очиб олди. Антонио Конте шогирдлари эса чемпионликдан яна бир қадам узоқлашди.

Чемпионлар Лигасида ҳаммадан кўп очко тўплаган «Тоттенҳэм» футболчилари йирик ғалабани қўлга киритди. Мазкур беллашувда етакчи ҳужумчи Ҳарри Кейн 2 та гол уришга эришди.

«Лестер» эса АПЛдаги кетма-кет учинчи ғалабасига эга чиқиб, турнир жадвалида 8-ўринга кўтарилиб олди. Клод Пюэлнинг ташрифи «тулкилар»нинг кетма-кет тўрт турдан буён мағлубият нималигини билмаслигига сабаб бўлмоқда.

Бугун қолган етакчилар майдонга тушади. Олдинда футбол мухлисларини Ливерпуль ва Манчестер дербилари кутиб турибди.

Англия Премьер-Лигаси 16-тур беллашувлари 9 декабрь, шанба

«Вест Ҳэм» — «Челси» 1:0

Гол: Марко Арнаутович, 6 (1:0).

«Хаддерсфилд» — «Брайтон» 2:0

Голлар: Стив Мунье, 12 (1:0). Стив Мунье, 43 (2:0).

«Тоттенҳэм» — «Сток Сити» 5:1

Голлар: Райан Шоукросс, 21-авт (1:0). Сон Хён Мин, 53 (2:0). Ҳарри Кейн, 54 (3:0). Ҳарри Кейн, 65 (4:0). Кристиан Эриксен, 74 (5:0). Райан Шоукросс, 80 (5:1).

«Суонси» — «Вест Бромвич» 1:0

Гол: Уилфрид Бони, 81 (1:0).

«Кристал Пэлас» — «Борнмут» 2:2

Голлар: Жермейн Дефо, 10 (0:1). Лука Миливоевич, 41-пен (1:1). Скотт Данн, 44 (2:1). Жермейн Дефо, 48+ (2:2).Ноаниқ пенальти: Кристиан Бентеке, 92+ (К).

«Бёрнли» — «Уотфорд» 1:0

Гол: Скотт Эрфилд, 45 (1:0).Четлатиш: Марвин Зегелар, 39 (У).

«Ньюкасл» — «Лестер» 2:3

Голлар: Хоселу, 4 (1:0). Риёд Маҳрез, 20 (1:1). Демарей Грэй, 60 (1:2). Дуайт Гейл, 73 (2:2). Айосе Перес, 87-авт (2:3).

10 декабрь, якшанба«Саутгемптон» — «Арсенал» 17:00 UzReport«Ливерпуль» — «Эвертон» 19:15 Futbol-TV«Манчестер Юнайтед» — «Манчестер Сити» 21:30 Futbol-TV