Аввал хабар қилинганидек, Андижон шаҳар ҳокими Дилмурод Раҳматуллаев шаҳардаги касб-ҳунар коллежлари директорларини ҳақорат қилгани билан боғлиқ ҳодиса кенг муҳокамаларга сабаб бўлган эди. Шаҳар раҳбарининг бу ҳаракатлари Андижон вилоят прокуратураси томонидан текширилмоқда. Тегишли баёнот Ўзбекистон прокуратураси сайтида эълон қилинди.
«Андижон шаҳар ҳокими, халқ депутатлари Андижон шаҳар Кенгаши раиси Д. Раҳматуллаев жорий йилнинг 16 октябрь куни шаҳардаги қатор таълим муассасаларининг раҳбарларини ножўя сўзлар билан ҳақорат қилганлиги ҳолати юзасидан Андижон вилоят прокуратураси томонидан текшириш ўтказилмоқда», — дейилади хабарда.
Д. Раҳматуллаевнинг ҳаракатларида суд тартибида кўриб чиқилиши лозим бўлган маъмурий ҳуқуқбузарлик аломатлари бўлганлигини инобатга олган ҳолда, Андижон вилоят прокуратураси томонидан халқ депутатлари Кенгашига Д. Раҳматуллаевни жавобгарликка тортишга розилик олиш тўғрисида тақдимнома киритилган.
Ҳозирги кунда мазкур тақдимнома Кенгаши томонидан кўриб чиқилмоқда.
Изоҳ (0)