Фавқулодда хизматлар ходимлари Самарқандда лифт ичида қолиб кетган фуқарога ёрдам кўрсатди. Бу ҳақда ФВВ сайтида маълум қилинди.
Айтилишича, 1 декабрь куни соат 16:45 да вилоят фавқулодда вазиятлар бошқармаси навбатчи диспетчерига фуқаро А.Х. қўнғироқ қилиб, электр таъминотидаги узилиш туфайли кўп қаватли уйнинг лифти тўхтаб қолгани, лифт ичида бир киши қамалиб қолиб, ёрдам сўраётганини маълум қилган.
Хабарга асосан қутқарувчилар зудлик билан айтилган манзилга этиб бориб, лифт ичида қолган фуқарони чиқариб олди. Қутқарувчиларнинг ўз вақтида кўрсатган ёрдами натижасида ҳеч ким жабрланмади.
Изоҳ (0)