Favqulodda xizmatlar xodimlari Samarqandda lift ichida qolib ketgan fuqaroga yordam ko‘rsatdi. Bu haqda FVV saytida ma’lum qilindi.
Aytilishicha, 1-dekabr kuni soat 16:45 da viloyat favqulodda vaziyatlar boshqarmasi navbatchi dispetcheriga fuqaro A.X. qo‘ng‘iroq qilib, elektr ta’minotidagi uzilish tufayli ko‘p qavatli uyning lifti to‘xtab qolgani, lift ichida bir kishi qamalib qolib, yordam so‘rayotganini ma’lum qilgan.
Xabarga asosan qutqaruvchilar zudlik bilan aytilgan manzilga etib borib, lift ichida qolgan fuqaroni chiqarib oldi. Qutqaruvchilarning o‘z vaqtida ko‘rsatgan yordami natijasida hech kim jabrlanmadi.
Izoh (0)