Назарбоев: Бойларни ёқтиришмайди, иқтидорлилар таъқиб этилади

Қозоғистон раҳбари Нурсултон Назарбоев кўпчилик бойлар ва иқтидорлиларни ёқтирмаслигини маълум қилди, деб ёзади Tengrinews.

Остонада давлат раҳбари иштирокида «Қозоғистоннинг 100 нафар янги юзи» форуми бўлиб ўтмоқда.

«Сизнинг йўлингиз машаққатли. Сизга маълумки, бой одамни кўпчилик ёқтирмайди. Буни мен айтмаганман, буни анча аввал айтишган. ‘Мен ҳам шундай бой бўламан, унга етиб оламан’ дейиш йўқ. Бойларни хуш кўришмайди: ‘Шунақа машинада юради, қара, қанақа қасрлар қурди’. Ёқтиришмайди. Иқтидорлилар қобилияти билан ажралиб турганлиги учун таъқиб қилинади. Улар бошқалар орасида ўзгача. Оддийлар ‘Нега биз унақа эмасмиз?’ дейди, уларни таъқиб қилади», — деб мурожаат қилди президент лойиҳа ғолибларига.

Назарбоевнинг сўзларига қараганда, «100 нафар янги юз»га кирган ёш қозоғистонликларни қаҳрамонлар деб аташ мумкин.