Кечқурун 15 дақиқа ва эрталаб 10 дақиқа вақтингизни ўзингизга бир неча саволлар беришга сарф қилинг.
Кун бошланишида
1.Кеча кечқурундан бери бирон бир аҳамиятли воқеа юз бердими?Баъзи воқеалар сизни бир кунга мўлжалланган режаларингизни ўзгартиришга мажбур қилади. Масалан, агар ўзингиз ёки яқинларингиз касал бўлиб қолса графикни қайтадан тузишга тўғри келади.
Фақат дарров почтани текширишга тушиб кетманг. Бирон бир хат ҳақиқатан ҳам кунингизга кучли таъсир кўрсатиши мумкинлиги ҳақида ўйлаб кўринг. Фақат сиз эрталабга режалаштирган ишларингиз билан боғлиқ хабарларни кўриб чиқинг.
2.Бугун нималар қилиш керак?
Бугун қилинадиган ишлар ҳақида кечқурун тузилган рўйхатни кўриб чиқинг. Зарур бўлса уни тўлдиринг ёки қисқартиринг.
3. Ҳозирнинг ўзида нимадан бошлаш керак?
Битта вазифани танланг ва бутун диққат-эътиборингизни унга қаратинг. Учта ишни қўл учида бажарганингиздан кўра, битта ишни яхшироқ қилганингиз маъқул.
Кун охирида
1. Бир кунда нималарга эришдингиз?Нималар қилганингиз, натижаси нима бўлганини эслаб кўринг. Ҳаёт — бу кичик қадамлар кетма-кетлигидан иборат ва агар кичкина ғалабалардан қувонмасангиз, катталари томон ҳаракатланиш қийин бўлади.
2. Ҳозирнинг ўзида нимадир қилиш керакми?
Баъзан ўзингизни қайсидир иш қилинмасдан қолгандек сезиш дам олиш ва иш ҳақида унутишга халал беради. Унутиб қолдирган ишни топиш учун келган хатларни ва ишлар рўйхатини текширинг. Кейин агар у эртага қолса нима юз беришини ўйлаб кўринг.
3. Бугун бажаришга улгурмаганларингизни қачон қилиш керак?
Бир кун ичида яқин кунларда бажариш керак бўладиган кўплаб ишлар пайдо бўлиши мумкин, лекин бу уларни айнан ҳозир бажаришга киришиш керак дегани эмас. Уларни эртага ёки бошқа бир аниқ вақтга режалаштиринг, бугун эса улар ҳақида бошқа ўйламасликка ҳаракат қилинг.
Агар сиз бошлаган ишингизни бугун тамомламаган бўлсангиз, қаерда тўхтаганингизни ва кейин қандай давом эттириш кераклигини белгилаб қўйинг. Шунда эртаси кун ишингизни давом эттириш осонроқ бўлади.
Манба: «Лайфхакер»
Изоҳ (0)