Мақсадга эришишга ёрдам берувчи 4 қоида

Ҳар қандай муваффақият ўзига хос қоидалар асосида ҳосил бўлади. «Энг кичигидан бошла» деб номланувчи китобда мақсадни қандай қилиб тўғри қўйиш ва унга эришишнинг еттита асосий тушунчалари келтирилган.

Биз сизга бу китобдаги юқори натижаларга эришиш йўлини қуришнинг тўрт қоидаси ҳақида айтиб бермоқчимиз.

Ўзингизга оддий қоидалар жорий қилинг

Бирон бир мақсадга эришиш учун сизга тартиб-интизом керак. Тартиб-интизом биз риоя қиладиган қоидалардан иборат. Қоидалар оддий бўлиши керак.

Масалан, «Ширинликни фақат якшанба кунлари ейиш» қоидасига риоя қилиш «Ўзини ширинликдан чеклаш»га қараганда анча осонроқ. Чунки қоида жуда аниқ белгиланган. Иккинчи ҳолатда эса ҳаммаси бироз мураккаброқ. Чеклаш деганда нималар назарда тутилган? Пишириқларми ёки ҳамма ширинликларми? Ҳар гал буни аниқлаб олиш учун ҳам зўр беришга тўғри келади.

Ўзингизга арбитр қўйинг

Агар сизга ҳар доим бирон-бир ишни қилишга ўзингизни мажбур қилиш қийин бўлса, ўзингизга арбитр қўйинг. Статистикага кўра бу муваффақиятга эришиш эҳтимолини 70% га оширади. Лекин арбитр тасодифий одам бўлмаслиги керак. Иложи борича сизга ачинмайдиган ва сизнинг омадсизлигингиздан қувонмайдиган ҳамкасбингиз ёки дўстингизни танлаганингиз яхши.

Ўзингизни мукофотланг

Мақсадга етишиш анча қизиқарлироқ, агар бу шунга арзиса. Лекин мақсадга эришиш йўлида мотивацияни йўқотмаслик учун ўзини мукофотлаш жуда зарур. Бундан ташқари, унинг ёрдамида фойдали одатларни ҳам жорий қилиш мумкин.

Ижтимоий тизимга қўшилинг

Муҳитнинг одамга кучли таъсир кўрсатиши масаласида тортишиб ўтиришнинг маъноси йўқ.

Жамиятнинг таъсиридан ижобий фойдаланиш мумкин. Мақсадингизга эришишда ёрдам берувчи ижтимоий тизимларга қўшилишга ҳаракат қилинг.

Жамиятшунос Уэйн Бейкер ижтимоий алоқалардан ўзи ва атрофдагилар учун ёрдам сифатида фойдаланишнинг осон йўлини ўйлаб топди. Бу усул «Ўзаро ёрдам ҳалқаси» деб аталади. Ва унинг маъноси шундан иборатки, одамлар айлана бўлиб туради ва ҳар бир киши ўзига қандай ёрдам кераклиги ҳақида айтади. Кейин ҳамма қатнашувчилар уларнинг таниш-билишлари бу одамнинг мақсадига етишига қандай ёрдам бериши устида фикрлайди.

Ижтимоий алоқалар ва тизимлардан мақсадингиз йўлида фойдаланишдан қўрқманг. Шунда сиз мақсадингизга тезроқ эришасиз.

Манба: «Лайфхакер»