Бухоро вилояти ички ишлар бошқармаси томонидан олиб борилган тезкор тадбирлар натижасида бир неча нафар қидирувда юрган шахслар қўлга олинди. Бу ҳақда Бухоро вилоят ИИБ ахборот хизмати хабар бермоқда.
Жумладан, ўтказилган қидирув тадбири давомида, Ўзбекистон Республикаси Жиноят Кодексининг 105-моддаси(қасддан баданга шикаст етказиш) 1-қисмида кўрсатилган жиноятни содир қилиб яширинганлиги учун Бухоро шаҳар ИИБ TB томонидан қидирув эълон қилинган 1989 йилда туғилган Дилшод Турсунов Россия Федерациясининг Москва шаҳрида қўлга олинди.
Шунингдек, Ўзбекистон Республикаси Жиноят Кодексининг 273-моддаси(гиёҳванд ва психотроп моддаларни сақлаш) 5-қисмида кўрсатилган жиноятни содир этганлиги учун тергов органларидан яшириниб юрган, 2014 йилдан буён қидирувда бўлган 1977 йилда туғилган Олим Шарипов ушланиб қамоққа олинди.
Бундан ташқари, тадбир давомида Ўзбекистон Республикаси Жиноят Кодексининг 166-моддаси(талончилик) 2-қисми ва 277-моддаси(безорилик) 2-қисмида кўрсатилган жиноятларни содир этганлиги учун 2016 йилдан буён қидирувда бўлган, 1996 йилда туғилган Қиличбек Маматқулов Россия Федерацияси Москва шаҳрида қўлга олиниб, Ўзбекистон Республикасига экстрадиция қилинган ва вилоят ИИБ 3-ТҲга жойлаштирилди.
Изоҳ (0)