HeadHunter порталида октябрь ойида энг юқори ҳақ тўланадиган соҳа «Ахборот технологиялари, интернет, телеком» бўлди: бу ерда максимал маошлар ойига 5—12,7 миллион сўмни ташкил этмоқда. Бу ҳақда Spot хабар берди.
Октябрда сентябрга нисбатан 4 маротаба кўп вакансиялар жойлаштирилди. Вакансиялар сони бўйича энг талабгир соҳалар «Сотувлар» (21,3 фоиз), «Ахборот технологиялари, интернет, телеком» (10,1 фоиз), «Mаркетинг» (9 фоиз), «Маъмурий персонал» (8,4 фоиз) ва «Ишлаб чиқариш» (8,4 фоиз) бўлди.
HeadHunter версияси бўйича Ўзбекистондаги 10 та энг кўп ҳақ тўланадиган вакансиялар (уларнинг бари Тошкентда) қуйидагилардан иборат:
- Node.JS bekend-ишлаб чиқувчиси — 12 750 000 сўм;
- Front end developer (JavaScript) — 12 750 000 сўм;
- Тижорий бўлим бошлиғи — 12 078 120 сўм;
- Android Developer — 10 000 000 сўм;
- Инглиз тилидаги мақолалар муаллифи/Копирайтер-рерайтер — 8 052 080 сўм;
- English content copywriter — 8 052 080 сўм;
- Озиқ-овқат саноати технологи — 8 052 080 сўм;
- C/C++ дастурчиси/ дастурчи-ишлаб чиқувчи — 8 000 000 сўм;
- Логистика ва таъминот бўлими бошлиғи — 7 000 000 сўм;
- Молиявий директор ўринбосари — 7 000 000 сўм.
Изоҳ (0)