Ҳиндистоннинг Jaguar ва Land Rover’га эгалик қилувчи Tata концерни Американинг Faraday Future компаниясига 900 миллион доллар киритди, у яқин келажакда ўзининг илк моделини чиқаришга киришиши керак, деб ёзади «Мотор».
Сўнгги вақтларда Faraday Future компанияси қийинчиликларни бошидан кечирмоқда: октябрда уни бир йўла икки топ-менежер тарк этган эди. Бундан ташқари, марка биринчи моделни бозорга чиқаришни 2019 йилга қолдирди.
Tata концерни Faraday Future’нинг 10 фоизли акциялари пакетидан ташқари, Америка фирмасининг электр ва телекоммуникация технологияларидан фойдаланиш ҳуқуқига эга бўлади. 2016 йил октябрида Faraday Future Жанубий Кореянинг LG Chem кимё фирмаси билан электромобиллар учун дунёдаги энг сиғимдор литий-ионли аккумуляторларни яратиш ҳақида шартнома тузган эди.
Faraday Future’нинг илк модели — FF 91 кроссовери январда тақдим этилганди. 5,2 метрли йўлтанламас бир марта олган қуввати билан 700 км йўл боса олади. 2,39 сонияда 100 км/соат тезликка эришади.
Изоҳ (0)