Ижтимоий тармоқлар ва оммабоп мессенжерларда Ўзбекистон ҳукуматининг бензин нархини ошириш ҳақидаги қарори сурати пайдо бўлди. Суратдаги ҳужжатнинг ҳақиқийлиги ҳозирча тасдиқлангани йўқ, лекин рад ҳам этилмади.
Суратдаги ҳужжатга кўра, 15 ноябрдан бошлаб энг арзон (Аи-80 русумидаги) бензиннинг бир литри нархи 2800 сўмдан 3800 сўмгача, Аи-91 туридаги ёқилғи қиймати эса 3000 сўмдан 4300 сўмгача оширилади.
Ҳақиқийлиги ҳали тасдиқланмаган мазкур ҳайдовчилар орасида ўзига хос шов-шув кўтариб улгурди ва Тошкент шаҳридаги бир қатор ёқилғи қуйиш шохобчалари олдида навбатлар юзага келди.
Ҳайдовчилар Telegram ва Facebook’даги хос гуруҳлар ва каналлар орқали шаҳар ёқилғи қуйиш шохобчаларида навбат қандайлиги, қаерда бензин борлиги, қайси шохобча соат нечагача ишлаши ҳақида бир-бири билан хабарлашиб, маълумот алмашмоқда. Тасдиқланмаган хабарларга кўра, Узбекнефтгаз (собиқ UzGazOil) шохобчалари 22:00 гача ишлайди.
«Қоратошдаги Узбекнефтгаз (UNG) шохобчасида навбатда турибман... Миш-мишларни ҳам оширвордиларинг-да»
Изоҳ (0)