«Вагнер» хусусий ҳарбий компаниясининг қўмондони дея тахмин қилунувчи Дмитрий Уткин «Конкорд менежмент ва консалтинг» МЧЖ бош директори этиб тайинланди. Холдинг таркибидаги ушбу компаниянинг бошқарувчиси Евгений Пригожинни «Путиннинг ошпази» дея аташади. Бу ҳақда «РБК» Пригожиннинг яқинларига асосланиб маълум қилди, деб хабар берди Meduza.
«СПARK-Интерфакс» маълумотлар базасида компаниянинг янги бош директори Дмитрий Валеревич Уткин эканлиги қайд этилган — у хусусий ҳарбий компания қўмондони деб тахмин қилинувчи шахснинг тўлиқ отдоши ҳисобланади. «Фонтанка» нашрининг журналисти Денис Коротковнинг айтишича, Пригожин «Вагнер» ХҲКни молиялаштириши мумкин.
«Вагер» — Украина ҳудудида фаолият кўрсатувчи россиялик кўнгилли ҳарбийлар гуруҳи. Улар аввалига Донбассда, кейинчалик Сурияда жанг қилган. Уткинни эса 2016 йилнинг декабрида Кремлдаги қабулда пайқаб қолишган.
Пригожиннинг «Конкорд» компанияси Россия президенти маъмурияти ишлар бошқармасига озиқ-овқат, шунингдек, Москва мактабларига тушлик етказиб бериш билан шуғулланади.
Изоҳ (0)