Париждаги «Рояль» павильонида Бокуни Expо 2025 бутундунё кўргазмасини ўтказишга номзод шаҳар сифатида илгари сурилишига бағишланган қабул бўлиб ўтди. Бу ҳақда «Вестник Кавказа» хабар бермоқда.
Тадбирда Озарбайжоннинг биринчи вице-президенти Меҳрибон Алиева иштирок этди ва сўзга чиқди. Шундан сўнг мамлакат ҳақида видеоролик намойиш этилди.
Озарбайжон ва Франциянинг таниқли жамоат ва сиёсат арбоблари, дипломатик корпус вакиллари, бошқа нуфузли шахслар иштирок этган қабулда озар ва хориж бастакорлари асарлари, халқ қўшиқлари янгради.
Боку бутундунё кўргазмасини 10 майдан 10 ноябргача ўтказишни таклиф этмоқда. Унга «Инсон капиталини ривожлантирамиз, ёрқин келажакни қурамиз» шиори мавзу сифатида танланган.
Озарбайжон пойтахти билан бир қаторда Expо 2025 кўргазмасини ўтказишга Екатеринбург (Россия), Осака (Япония) ва Париж (Франция) ҳам даъвогарлик қилмоқда.
Изоҳ (0)