Ҳиндистоннинг Ҳайдаробод шаҳри ҳукумати АҚШ президенти Дональд Трампнинг қизи Иванка Трампнинг ташрифи олдидан кўчалардаги 200 дан ортиқ тиланчини «яшириб қўйди». Бу ҳақда «Интерфакс» хабар бермоқда.
Сўнгги ҳафта ичида 200 нафар уйсиз фуқаролар икки шаҳар қамоқхонаси ҳудудидаги вақтинчалик жойлаштириш марказларига йўналтирилган.
Бундан ташқари, маҳаллий ҳукумат вакиллари тиланчилик билан шуғулланадиган фуқароларга Ҳайдарободдаги жамоат жойларига келишни тақиқлади.
Иванка Трамп Ҳайдарободга декабрь ойида бўлиб ўтадиган минтақавий тадбиркорлик саммити доирасида ташриф буюради.
Хабарда қайд этилишича, декабрь ойидан бошлаб шаҳар кўчаларида уйсиз кишилар юргани ҳақида ҳукуматга маълумот берган исталган киши пул мукофотини қўлга киритиши мумкин.
Шаҳар полицияси эса кўчаларнинг тиланчилардан тозаланиши ҳеч қандай ташриф билан боғлиқ эмаслиги, бу одатий ҳол эканлигини маълум қилган.
2000 йилда АҚШнинг собиқ президенти Билл Клинтоннинг Ҳайдарободга ташрифи олдидан ҳуқуқ-тартибот органлари худди шундай чора-тадбирларни амалга оширган эди.
Изоҳ (0)