Беларуснинг Витебск вилояти суди Полоск шаҳрида яшовчи 34 ёшли ИШИД тарафдорини 12 йил озодликдан маҳрум қилиш жазосига ҳукм қилди. Бу ҳақда «ТАСС» хабар бермоқда.
Суд айбланувчи 2013 йилда Германияга жўнаб кетгани ва у ерда эътиқодини ўзгартириб, ислом динини қабул қилганини аниқлади. У жангариларнинг аудиовизуал, график ва матнли тарғибот материалларини қидириб топиб, интернет орқали тарқатган.
2015 йилда Германиядан депортация қилинади, бироқ ноқонуний ҳаракатларини давом эттиради.
Суд маълумотларига кўра, 2016 йил октябрида айбланувчи портловчи модда тайёрлаб, уни ҳуқуқ-тартибот идоралари ходимлари томонидан аниқлангунча квартирада сақлаган. Шунингдек, яшаш ва рўйхатдан ўтиш жойларида йиғиш учун тайёрлаб қўйилган қўлбола портловчи қурилма қисмлари топилди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)