Юзни парвариш қилишда дерматологлар тавсия қилмайдиган 4 восита

Юз терисини тозалаш, озиқлантириш, макияжга тайёрлаш кераклиги ҳаммага маълум бўлган ҳақиқат. Гўзаллик саноати янгидан-янги маҳсулотлар яратмоқда ва ҳар бир амалнинг муҳимлигини, юзни парвариш қилиш босқичларининг биронтасини қолдириб бўлмаслигини тушунтирмоқда. Шунинг учун юзимиз гўзаллигини сақлаб қолиш мақсадида биз кўплаб воситаларни сотиб оламиз.

Лекин Америка дерматологлари сотувга чиқарилган маҳсулотларнинг ҳаммасини ишлатмаслик керак  ва бу воситалар терига зарар бериши мумкин деб ҳисоблайди.

Хуш, косметологнинг маслаҳатисиз нималар қилиш мумкин эмас?

1. Кимёвий пилинглар

Баъзан одамлар кимёвий пилинг учун воситаларни интернет орқали сотиб олади. Лекин дерматологлар тез-тез бундай амалларнинг салбий оқибатларига дуч келади — ўтиб кетмайдиган қизариш, тошмалар ва бошқа ҳуснбузарларнинг пайдо бўлиши, тери рангининг ўзгариши. Баъзида аллергик реакциялар ҳам пайдо бўлади.

Профессионал косметологлар пилинг амалларини ўтказиш вақтида тери ўзгаришининг чуқурлигини жуда осон бошқара олади. Лекин уй шароитида буни уддалаш анча қийинроқ.

2. Люфа

Люфа, buf puf спонжлари ва юз учун бошқа губкалардан жуда эҳтиёт бўлиш лозим. Дерматологлар уларни ҳаддан ташқари ғадир-будир бўлгани учун терига ёмон таъсир қилади ва уни шикастлайди деб ҳисоблайди. Маълумки, табиий материаллардан тайёрланган губкалар бактерияларни тўплаш хоссасига эга бўлади.

Мувофиқ равишда улар тери қопламасига тушиб ҳалокатли таъсирини бошлайди. Шу сабабли табиий материаллардан тайёрланган спонжларнинг яроқлилик муддати бор-йўғи 2—3 ойдан иборат.

3. Коллагенли намловчи воситалар

Тери ҳолатини асосан коллаген аниқлаши кўпчиликка маълум. Лекин, афсуски ҳатто коллаген ҳам мўъжизалар ярата олмайди.

«Мен коллаген самарали таъсир кўрсатиши учун унинг молекулалари ҳаддан ташқари катта деб ҳисоблайман. Бу фаол таркибий қисм терига сингиб кетмайди, шунинг учун коллагенли восита сотиб олиш билан сиз анча қиммат намловчи кремга эга бўласиз», — дейди Майамидаги Тери институти асосчиси ва бош директори С. Мануэла Жегазоти.

4. Абразив скраблар

Қаттиқ скраблар терини ҳаддан ташқари шикастлайди, улар қичишиш ва гиперпигментацияни келтириб чиқариши мумкин. Дерматологлар агар терида акне бўлса скрабдан фойдаланишни тавсия қилмайди.

Бу яллиғланиш жараёнини келтириб чиқариши мумкин. Дерматологлар бундай скрабларнинг ўрнига юмшоқ тозаловчи кремсимон воситаларни ишлатишни таклиф қилади.

Манба: «Zdorovoelico.com»