Юз ранги ўзгариши билан биринчи ажинлар ва қуруқлик пайдо бўлади. Яхшиямки, гўзаллик соҳасидаги мутахассислар терининг табиий рангини сақлаб қолиш масаласини кўпдан бери ўрганишади ва бу борада анча илгарилаб кетишган.
Терини парвариш қилиш
Парвариш қилишнинг вазифаси – тери ҳужайраларининг тикланиш жараёнини ишга тушириш. Бундан кейин тери ўз-ўзидан ўзгаради – ажинлар унчалик сезилмайди, юз ранги эса анча текисроқ ва нурлироқ бўлиб қолади.
Бундай натижага эришиш учун, хира тортган юз терисига ҳар томонлама таъсир кўрсатиш керак. Бошқача қилиб айтганда, парваришлаш албатта ҳар томонлама ва мунтазам бўлиши керак.
Шунинг учун сифатли равишда тозалаш, тетиклантириш ва намлаш ҳақида унутмаслик лозим.
Зардоблар ва бустерлар ҳам терини парвариш қилишда катта ёрдам беради. Фасллар алмашиш пайтларида, тери тезлик билан тикланишга муҳтож бўлганда албатта улардан фойдаланиб туриш лозим.
Айниқса терига силлиқлик ва чиройли рангини қайтаришни кафолатловчи воситаларнинг таркиби жуда муҳимдир. Айнан шу муаммони бартараф қилиш учун таркибида сабзи ва анор экстрактлари, наъматак , узум данаги, кунгабоқар ёғлари бўлган кремларни танланг.
Шунингдек ҳужайраларнинг янгиланишига зираворлар (зарчива, бадян, долчин) ва ҳар жиҳатдан фойдали бўлган шифобахш неъматлар – асал ва занжабиллар ҳам ёрдам беради.
Чиройли макияж
BB, CC ва EЕ-кремлар парваришлаш ва ажойиб тарзда силлиқлаш хусусиятларига эга. Бу кремлар тери эҳтиёжларига боғлиқ равишда ҳар хил ҳарфлар билан белгиланган.
BB-крем тупроқ тусли ва ёғли тери соҳибалари учун яратилган. Енгил тонал воситаси терига ранг беради, лекин шундай бўлса ҳам унинг устида ниқоб каби кўзга ташланмайди. Лекин крем ҳуснбузар ва пигментли доғлар каби камчиликларни яшира олмайди.
CC-кремлар мукаммал равишда терини силлиқлаш учун яратилган. Албатта, улар негизли таъсир қилиш хусусиятига эга ва аниқ кўриниб турган камчиликлар учун яхши самара бера олмайди.
EЕ-кремлар – терининг тиниқ ранги учун курашишда яна бир ёрдамчи бўлиб ҳисобланадилар. Улар нозик тери соҳибалари учун мўлжалланган. Ёруғликни қайтарувчи заррачалар ва рангни гўзаллаштирувчи пигментлар туфайли EЕ-кремлар ажойиб тарзда олдига қўйилган вазифанинг уддасидан чиқади.
Манба: «Lady-4-lady.ru»