Эрон—Ироқ чегарасида юз берган зилзила оқибатида ҳалок бўлганлар сони 370 кишидан ошди, дея хабар бермоқда «Коммерсантъ».
Press TV телеканали ахборотига кўра, қурбонларнинг асосий қисми Эрондан. Мамлакатда зилзила оқибатида 2,5 мингдан зиёд киши жабрланган. Эроннинг Кирмоншоҳ вилоятида уч кунлик мотам эълон қилинган.
Эрон президенти Ҳасан Руҳоний Ички ишлар вазирлигига зарар кўрган ҳудудлар аҳолисини барча зарур нарсалар билан таъминлаш ҳақида кўрсатма берган. Шунингдек, у табиий офат оқибатларини муҳокама қилиш бўйича йиғилиш ўтказган.
Зилзила Бағдоддан 204 километр шимоли-шарқда, Эроннинг Кирмоншоҳ шаҳридан эса 104 километр ғарбда юз берган. Ерости силкинишлари ўчоғи 10 километр чуқурликда бўлган. Зилзила магнитудаси эпицентрда 7,3 ни ташкил этган.
Изоҳ (0)