Тошкентда 10 ноябрь куни 29-умумтаълим мактабининг очилиши бўлиб ўтди. Ўқув йилининг иккинчи чорагидан бошлаб 1100 дан ортиқ ўқувчи янгиланган мактабда ўқишни бошлади.
1979 йилда қурилган мактаб дастлаб фақат бир бинодан иборат эди, орадан беш йил ўтиб иккинчи бино қурилган.
Шундан бери мактабнинг фақат биринчи биноси давлат инвестиция дастури доирасида таъмирдан чиқарилган, қолган қисми эса катта таъмирга муҳтож эди.
Makro супермаркетлари тармоғи маъмурияти, ижтимоий масъулиятини ҳис қилгани ҳолда, ўқув машғулотларини ўтказиш учун шароитларни яхшилаш бўйича лойиҳани амалга оширишда ёрдам берди. Шу боис ёз охирида бутун мактабни таъмирлаш ишлари бошлаб юборилди.
Қисқа муддат — икки ой мобайнида кенг кўламли ишлар амалга оширилди:
- бутун ўқув биноси электрлаштирилди;
- иккинчи бино томи янгиланди;
- янги герметик дераза ромлари ўрнатилди;
- 25 та синф хоналари янги мебеллар билан жиҳозланди;
- янги дарвоза ўрнатилди, мактабга кириш эса энди турникет орқали амалга оширилади;
- бутун мактаб ҳудудига асфальт ётқизилди;
- кўкаламзорлаштириш ишлари амалга оширилди, дарахтлар ва гуллар ўтқазилди
- катта футбол ва мини-футбол учун спорт майдончалари қурилиб, зарур жиҳозлар билан таъминланди;
- видеокузатув назорати ўрнатилди;
- мажлислар зали тўлиқ реконструкция қилинди.
«Мактаб жамиятимиз келажаги, ёшларнинг шахс бўлиб шакилланишида муҳим бир босқичга эга жой ҳисобланади. Зарур билимларни олиш учун болаларда етарлича шароит бўлиши керак. Мамлакатдаги барча мактабларнинг жиҳозланиши ва техник ҳолати билан боғлиқ масалаларни, афсуски, бир кеча-кундузда ҳал қилиш мумкин эмас, аммо давлатимиз билан биргаликдаги саъй-ҳаракатлар орқали мавжуд вазиятни ўзгартиришимиз мумкин», — деб ишонади Makro тармоғи маъмурияти.
Ўқувчиларни яна бошқа хушхабарлар ҳам кутмоқда. Энди мактаб ўқувчилари география, тарих, инглиз тили, информатика ва иқтисод тўгаракларига бепул бепул қатнаши мумкин. Мактаб ва Ўзбекистон миллий университети ўртасида битим тузилиб, унга кўра университет ўқитувчилари ўз билимларини тўғридан-тўғри ўқувчилар ҳамда мактаб ўқитувчилари билан бўлишиб, ўзаро тажриба алмашиб, мактабнинг умумий ўқув тизими даражасини оширади.
Реклама ҳуқуқи асосида
Изоҳ (0)