2017 йилнинг 9 ноябрь куни Ўзбекистонга Европа Иттифоқининг ташқи ишлар ва хавфсизлик сиёсати бўйича Олий вакили Федерика Могерини бошчилигидаги делегация ташриф буюради. Бу ҳақда Ташқи ишлар вазирлиги расмий сайти хабар бермоқда. Делегация таркибига Халқаро ҳамкорлик ва тараққиёт бўйича Европа комиссари Невен Мимица ва бошқа расмий шахслар киради.
Европа Иттифоқининг юқори мансабдор вакилларини Ўзбекистон Президенти Шавкат Мирзиёев қабул қилиши режалаштирилган.
Ташриф дастурига кўра ЕИ делегацияси Самарқанд шаҳрида бўлиб ўтадиган «Европа Иттифоқи – Марказий Осиё» минтақалараро вазирлар учрашувида ва «Марказий Осиё: ягона тарих ва умумий келажак, барқарор ривожланиш ва тараққиёт йўлидаги ҳамкорлик» мавзуидаги халқаро конференцияда иштирок этади.
Изоҳ (0)