Францияда 2018 йили Тинч океанидаги махсус маъмурий-ҳудудий тузилма — Янги Каледония мустақиллиги бўйича референдум бўлиб ўтади. Бу ҳақда «Коммерсантъ» хабар бермоқда.
Эришилган сиёсий келишув тўғрисида Нумей битими (архипелаг мақоми ҳақидаги келишув) қўмитаси аъзолари маълум қилди. Йиғилиш иштирокчилари овоз беришнинг аниқ санасини ҳозирча белгиламади, бироқ тадбир кечи билан ноябрда бўлиб ўтиши лозим.
«Референдум бўйича сиёсий келишувга эришдик, энг муҳими, бизда ишонч пайдо бўлди. Бироқ ҳали амалга оширилиши лозим бўлган анча ишлар бор», — деди Франция бош вазири Эдуард Филипп.
Референдумда БМТ кузатувчиларининг иштирок этиши, овоз бериш участкаларини тузиш масалалари ҳам қўмита йиғилиши кун тартибига киритилгани билдирилмоқда.
Изоҳ (0)