1 ноябрдан янги Ипак йўли доирасида Украина орқали ўтадиган транзит маршрут бўйича 1319—1320-поездлар учун темирйўл ётқизилди. Бу ҳақда Украина инфратузилма вазири Владимир Омеляннинг сўзларига асосланиб, «Корреспондент.net» хабар бермоқда.
«Поездлар универсал контейнерлар остидаги 57 та платформадан иборат бўлади. Хитой томони поездлар Чжэнчжоудан Украина ҳудуди орқали ўтиб, Словакия, Польша ва Венгрияга йўл олишини тасдиқлади», — дейди у.
Омеляннинг сўзларига кўра, вазирлик поездларни юк билан тўлдириш учун Украина давлат захиралари билан фаол иш олиб бормоқда. Шунингдек, Украина маҳсулотларини Хитойга экспорт қилиш жараёнини тезлаштиришга уринмоқда.
Вазирнинг сўзларига кўра, Евроиттифоқ мамлакатлари билан тўғридан тўғри алоқаларнинг кенгайиши, порт тарифлари ва йиғимларининг арзонлашиши ва яна бир қанча омиллар Украинани дунёнинг етакчи транзит-мамлакатлари сафига қўшади.
Изоҳ (0)