Ҳуқуқшунос Хушнуд Худойбердиев ЎФФ ва ПФЛ томонидан кеча 30 октябрь куни эълон қилинган Олий Лига клублари сонини 12 тага етказиш қарорига ўз фикрини билдирди ва уни ижтимоий тармоқдаги саҳифасига жойлади.
2018 йилдан бошлаб Ўзбекистон Олий Лигасида 12 та футбол клуб қолади. Қолганлар қуйи лигага сургун бўлади
Худойбердиевнинг қайд этишича, бу коррупцияга ташланган катта бир қадамдир. Бу худдики тест синовлари арафасида унинг шартлари ўзгариб кетишига ўхшайди.Олий лига тугашига 4 та тур қолганида кейинги мавсумда жамоалар сони 12 та бўлиши ва ҳеч кутилмаганда яна 2 та жамоа қуйи лигага тушиб кетиши ҳақидаги қарор 1 августдаги тест синовларига 3 ой қолганда информатика фанидан ҳам тест бўлиши ва математика блокининг 6 та саволини эгаллаши ҳақидаги қарор билан бир хил.Аввалроқ Олий Лиганинг пастки ўринларидан бирини эгаллаб турган Фарғонанинг «Нефтчи» клуби бош мураббийи Вадим Абрамов ПФЛ қарорига эътироз билдирганди.Иккаласи ҳам иштирокчиларга нисбатан адолатсизлик. Ўйин қоидаларини олдиндан эълон қилиш керак ва якунга оз қолганда кутилмаганда бу қоидаларни ўзгартирмаслик мақсадга мувофиқ. Чунки бундай кутилмаган ва адолатсиз ўгаришлар коррупцияга қўйилган катта қадам.
Ўшанда информатикадан тайёрланишга улгурмаслигини билган абитуриентлар ноилож кўчадаги фирибгарларга қучоғини очган бўлса, ҳозир Олий Лига жадвалининг пастида жойлашган жамоалар ўйинларни ҳар қандай пулга сотиб олишга тайёр туришибди.
Энг тўғри қарор ҳар қандай ўзгаришни камида 1 мавсум олдин айтилишидир. Яна ҳам ким билсин...
Изоҳ (0)