ЎФФ ва ПФЛ Олий Лига клублари сонини 12 тага етказгач, футбол жамоатчилиги муҳокамани бошлаб юборди.
Вадим Абрамов: Жамоалар 12 та қолар экан. Футболчилар шокда, машғулотларни йиғиштириб қўяверайликми?
Бунда футбол журналистлари томонидан турлича фикрлар билдирилганини кўриш мумкин. «Трибуна» нашрида Қаҳрамон Асланов ўз мақоласини эълон қилиб, Олий Лигада 12 та клуб қолдириш фикри тўғри эмаслиги ҳақида тўхталган. Бу мақола ПФЛ қарори эълон қилингач ёзилган.Бир кун ўтиб, 31 октябрь куни Асланов «Йил алдови» ёхуд популизм чегараси қаерда?», — номли мақоласи билан ЎФФ ва ПФЛ қарор қабул қилишда шошгани ва ўз регламентини ҳурмат қилмагани масаласини кўтариб чиқди. Боиси, Олий Лига клубларига мавсум бошида умуман бошқа формат ҳақида айтилган. Улар шу йўлдан кетаётганида, аниқроғи, чемпионат якунига 4 та тур қолганида эса бутунлай бошқа форматга шошилинч ўтилди. Бу эса адолатсизлик.
«Трибуна» нашрида Олий Лигада клублар сонини 12 та қолдириш кераклиги борасида бошқа бир журналист Шуҳрат Шокиржоновнинг «12 жамоалик миллий чемпионат ва унинг афзалликлари» номли мақоласи ҳам кўриниш берган. Мазкур мақола ЎФФ ва ПФЛ қарорларидан икки кун олдин ёзилган.
Бунгача, 17 октябрь куни «Championat.asia» нашрида журналист Диёр Имомхўжаев томонидан Ҳаcкер cлуб дастури тайёрланган бўлиб, унда Олий ва Биринчи Лиганинг янги форматларига таклиф берилган. Таклифда Олий Лига клублари сонини 12 та қилиш масаласи кўтарилган ва бу нима учун кераклиги тушунтирилган. Журналист бунда ҳозирги Биринчи Лига савиясини Олий Лига даражасига яқинлаштириш ва ҳозирги Олий Лигадаги қарама-қаршиликни кучайтириш, регламентдан чекинмаган ҳолда, бу босқичга 2018 йил давомида ўтиш мумкинлигини айтган.
ЎФФ ва ПФЛ эса журналистлар таклифидан фарқли ўлароқ шошилинч қарор қабул қилди ва ўз регламентига зид иш кўрди.
Изоҳ (0)