Испания бош прокурори Хосе Мануэль Маса 30 октябрь куни Каталония мустақиллигининг эълон қилинишига алоқадор сиёсатчиларга қарши судга шикоят киритилганини маълум қилди. Бу ҳақда «Интерфакс» хабар бермоқда.
Унинг сўзларига қараганда, иккита алоҳида шикоят киритилган. Биринчиси Каталония женералитатининг четлаштирилган аъзолари устидан киритилган бўлиб, у кўриб миллий суд коллегияси томонидан кўриб чиқилади. Яна бири Каталония парламентига қарши қаратилган бўлиб, уни олий суд кўриб чиқади.
Бош прокуратура айбланувчиларга нисбатан ҳибсга олиш эҳтиёт чораси кўрилишини талаб қилмади, шу боис ишлар кўриб чиқилгунига қадар улар озодликда бўлиши мумкин.
Изоҳ (0)