АҚШ мудофаа вазири Жеймс Мэттис жанубий кореялик ҳамкасби Сон Ён Му билан музокаралар натижаларига кўра, ноқонуний баллистик ракеталар учирилиши ва ядро синовлари ўтказилиши туфайли, КХДР томонидан хавф кучайганини айтди. Бу ҳақда АҚШ ҳарбий муассасаси сайтида хабар берилди.
Унинг таъкидлашича, хавф зонасига Шимолий Кореянинг қўшнилари ҳам, бошқа мамлакатлар ҳам киради.
Шунингдек, Мэттис Шимолий Корея муаммосини ҳал қилишнинг энг мақбул усули ҳарбий кўмак билан олиб бориладиган дипломатия эканлигини айтди. Шу билан бирга, Вашингтонда инқирозни ҳал қилишнинг қатор ҳарбий вариантлари бор.
Пентагон раҳбари Пхеньянни яна бир бора АҚШ ва унинг иттифоқдошларига ҳужум қилиш оқибатлари ҳақида огоҳлантирди. «Шимолий Кореянинг ядровий қурол қўллаш билан боғлиқ ҳар қандай ҳаракати самарали ва янчиб ташловчи ёпирилма жавоб билан кутиб олинади», — дея таъкидлади Мэттис.
Изоҳ (0)