Ўзбекистонлик Анвар Бойназаров дунёга машҳур Glory47 мусобақасини ғалаба билан бошлаб, Франциянинг Лион шаҳрида Фабио Пинчани нокаутга учратди.
Бойназаров шу вақтга қадар 114 та жанг ўтказиб, уларнинг 90 тасида рақибларини мағлуб этган, 52 тасида уларни нокаутга учратганди. Бу муваффақиятлар уни Glory сари етаклади.
Фабио Пинча Glory лигасида ном қозонган спортчи ҳисобланади. У Бойназаровнинг зарбаларига жанг охиригача туриб беролмади. Ўзбекистонлик спортчининг навбатдаги рақиби ким бўлиши яқин орада маълум бўлади.
Аралаш жанглар санъатида энг юқори лига UFC ҳисобланса, муайтайчилар учун Glory мана шундай аҳамият касб этади. K-1 яккакурашларнинг бир қатор турлари, жумладан, тайбокс, кикбокс, таэквондо кабиларнинг умумлашмасидан ташкил топган спорт туридир. Glory эса мавқе жиҳатидан барча турнирларни ортда қолдиради. Унда гонорар миқдори ҳам қолган мусобақалардан анча катта бўлади.
Изоҳ (0)