Тошкент вилояти ҳудудида 19 октябрдан 26 октябрь кунига қадар илгари содир этилиб, очилмаган жами 10 та, жумладан битта баданга шикаст етказиш, тўққизта ўғрилик жиноятлари фош этилди. Бу ҳақда «Telegraf.uz» хабар бермоқда.
Ҳафта давомида қидирувда юрган 15 нафар шахс ушланди.
Жумладан, Зангиота туманида жорий йилнинг 22 октябрь куни 1983 йилда туғилган Рафаэль Голубев (келтирилган исм-фамилиялар ўзгартирилган) уйида таниши, 1981 йилда туғилган Николай Петров билан ўзаро келишмовчилик туфайли жанжаллашиб қолиб, жанжал вақтида Николай Петровнинг қорнига пичоқ билан уриб тан жароҳати етказган.
Ушбу ҳолат юзасидан Рафаэль Голубевга нисбатан Ўзбекистон Республикаси Жиноят Кодексининг 104-моддаси 1-қисми (қасддан баданга оғир шикаст етказиш) билан жиноят иши қўзғатилди.
Изоҳ (0)