Alphabet’га тегишли (собиқ Google) Waymo компанияси ҳайдовчисиз автомобилларни қиш шароитида синовдан ўтказиш дастурини кенгайтиради. Автоном тизим ишини текшириш учун Мичиган штати полигон вазигасини бажаради. Бу ҳақда компания раҳбари Жон Крафчик маълум қилди, деб хабар берди «Мотор».
Крафчикнинг сўзларига кўра, жорий йилдаги биринчи қор яқинлашиб келмоқда ва Waymo ихтирочиларида намлик ва паст ҳароратда тизимни синаб кўришнинг ажойиб имконияти туғулади. Ҳайдовчисиз автомобиль қорда ҳам, музда ҳам бирдай текис ҳаракатланиши керак.
Компания Chrysler Pacifica минивэнининг гибрид версияси базасида яратилган ҳайдовчисиз автомобилни 2016 йилнинг декабрида тақдим этганди. Бу турдаги ҳайдовчисиз автомобилларнинг тиражи 100 нусхага тенг. Улар бутун 2017 йил давомида синовдан ўтказилади.
Ҳозирда машина олтита штатда синовдан ўтказилмоқда: Аризона, Техас, Невада, Вашингтон, Калифорния ва Мичиган. 2009 йилда дастур бошланганидан буён Waymo’нинг ҳайдовчисиз автомобиллари 4,8 миллион километрдан ортиқроқ масофани босиб ўтди. Машина ичида доим ҳайдовчи бўлган, у автоном тизимнинг хатоликлари юзага келганида бошқарувни ўз қолига олган. 2016 йил охирида бу каби хатолар сони тўрт баробарга қисқарган.
Изоҳ (0)