Тошкент шаҳридаги «Минор» метро бекати яқинида Nexia автомобили иштирокида йўл-транспорт ҳодисаси юз берди. UzNews’нинг хабар беришича, ҳодиса оқибатида тўрт киши жабрланган.
Шаҳар ИИББ Йўл ҳаракати хавфсизлиги бошқармасидан маълум қилишларича, бурилиш жойида Matiz ҳайдовчиси салонида уч қиз ва бир йигит бўлган Nexia’га йўл бермаган. Оқибатда Nexia ҳайдовчиси Matiz билан тўқнашувнинг олдини олиш мақсадида катта тезликда бурилиб, бетон устунга урилган.
«Nexia ҳайдовчисининг елкаси чиқиб кетган, у айни вақтда шифохонада даволанмоқда. Ҳодисани автобус бекатида кузатиб турган гувоҳлардан ҳеч бирига жабр етмаган», — деб ёзади UzNews.
Изоҳ (0)