Пойтахтда қаллобликликнинг янги шакли кузатилди. Янги схема 35 минг сўм турадиган диареяга қарши доридан иборат, деб хабар беради «Новости Узбекистана».
Айтилишича, Тошкентда ҳайдовчилардан бири шу схема бўйича қаллобликка учраган. Унга бир дорини бериб, тегишли манзилга етказиб беришни сўрашган, дорининг пулини ҳайдовчининг ўзидан олишган, манзилда унга бу пул қайтарилиши ваъда қилинган. Аммо дори диареяга қарши арзон дори бўлиб чиққан, манзилда эса ҳайдовчини ҳеч ким кутиб олмаган.
Воқеа ҳақида Facebook’даги «Водители Ташкента» гуруҳида гапириб берилди. Аниқланишича, дорининг асл нархи 3500 сўм экан.
Пост остида қолдирилган изоҳларда айримлар улар ҳам шу турдаги қаллоблар қўлидан жабр кўрганини таъкидлади. Кейинчалик бу тарздаги огоҳлантирувчи постлар ижтимоий тармоқнинг бошқа машҳур гуруҳларида ҳам тарқалиб кетди.
Ҳуқуқ-тартибот органлари вакиллари нашрга берган изоҳида бу ҳолат қаллоблик сифатида баҳоланишини аниқлаштирди. Аммо шу пайтгача бирор жабрланувчи тегишли воқеа юзасидан шикоят қилмаган.
Изоҳ (0)