Тошкент шаҳри Юнусобод тумани ИИБ ҲПБ профилактика инспекторлари соҳавий хизмат ходимлари билан ҳамкорликда хонадонга ўғриликка тушган шахслар қўлга олинди. Бу ҳақда ИИВ Ҳуқуқбузарликлар профилактикаси бош бошқармаси хабар берди.
Юнусобод туманида 16 октябрь куни соат 09:00 дан соат 18:00 гача бўлган вақт оралиғида номаълум шахслар 1997 йилда туғилган Юнусобод 8—29-уйда яшовчи Н.Бнинг уйига калит танлаш йўли билан кириб, ётоқхонасидан 2 400 000 сўмлик LG телевизори, меҳмонхонасида турган 2 400 000 сўмлик Samsung телевизори, 8 000 000 сўмлик HP ноутбуки, 120 000 сўмлик сичқонча, 80 000 сўмлик интернет модеми, 800 000 сўмлик Samsung микротўлқинли печи ва 2 000 000 сўмлик турли хилдаги пойабзалларни ўғирлаб воқеа жойидан яширинган.
Кўрилган чора тадбирлар натижасида ушбу жиноятни 1982 йилда туғилган муқаддам судланган Чилонзор тумани ТХАЙ кўчаси 17-уйда яшовчи Х.А ва 1983 йилда туғилган Сирғали тумани Дўстлик 2—2-уйда яшовчи А.Шлар томонидан содир этилганлиги аниқланиб ушланди.
Далилий ашё сифатида LG телевизор, Samsung телевизор, HP ноутбук, сичқонча, интернет модем, Samsung микротўлқинли печ ва турли хилдаги пойабзаллар олинган.
Мазкур ҳолат юзасидан Юнусобод тумани ИИБ томонидан фуқаролар Х.А ва А.Шларга нисбатан Ўзбекистон Республикаси ЖКнинг 169-моддаси 2-қисми билан жиноят иши қўзғатилди.
Изоҳ (0)