Сурхондарё вилоятининг Музработ туманига янги ҳоким тайинланди. Бу ҳақда вилоят ҳокими Эркинжон Турдимов Facebook’даги саҳифасида маълум қилди.
Халқ депутатлари Музработ туман Кенгашининг навбатдан ташқари сессиясида ташкилий масала кўриб чиқилган. Унда вилоят ҳокимининг 19 октябрдаги қарорлари Кенгаш депутатлари томонидан маъқулланган.
Хусусан, шу вақтгача Музработга ҳокимлик қилиб келган Улуғбек Қосимов Денов туманига ҳоким этиб тайинлангани муносабати билан, ўз лавозимидан озод этилган. Айни вақтда, унинг ўрнига Жовли Холмуродов тайинланган.
Хабар беришларича, сессияда Жовли Холмуродов сўзга чиқиб, музработликлар билан бир тану бир жон бўлиб, ҳудудни ҳар томонлама ривожлантириш, аҳоли фаровонлигини таъминлаш борасида бор куч ва ғайратини сафарбар этишини, халқни рози қилиб яшаш масъулиятли бурч эканини доимо дилдан ҳис қилиб яшашини таъкидлаган.
Изоҳ (0)