Қаршининг «Насаф» клуби устози Рўзиқул Бердиев 14 ноябрь куни Амирлик термасига қарши бўлиб ўтадиган ўйинда Ўзбекистон миллий терма жамоасини бош мураббий сифатида майдонга бошлаб тушади. Бу ҳақда ЎФФ матбуот хизмати хабар берди.
Бу борадаги хабар биринчи бор норасмий тарзда кўриниш берганида, ЎФФ якуний қарор ташкилот президенти Қатар сафаридан қайтиб келгач айтилишини билдирганди. Президент Умид Аҳмаджонов эндиликда Бердиев номзодини тасдиқдан ўтказди.
Биз келажак учун истиқболли режалар тузаяпмиз. Демак, миллий терма жамоани ҳам ёшартириш йўлидан борамиз. БААга қарши ўйин иқтидорли ёшларни саралаб олиш имконини беради. Жамоани майдонга Рўзиқул Бердиев бошлаб тушади.Аввалроқ ташкилот миллий терма жамоага хориждан мураббий олиб келиши ҳақида айтиб, бу иш 20—25 кун ичида ҳал бўлишини маълум қилганди. Ҳозиргача бир қатор чет эллик мутахассислар варианти кўриб чиқилган, бироқ бунда ЎФФ талабларига жавоб берадигани топилмаган. Умид Аҳмаджонов ЎФФ талаблари айнан нимадан иборат эканига ойдинлик киритмаган.Умид Аҳмаджонов, ЎФФ президенти
БАА ва Ўзбекистон миллий термалари иштирокидаги ўйин 14 ноябрь куни Амирликларда бўлиб ўтади. Мазкур беллашув учун тайёргарлик қачондан бошланиши ҳамда Рўзиқул Бердиевнинг «Насаф»даги фаолияти нима бўлиши масаласини ЎФФ очиқламаган.
Амирлик термасига қарши ўйин Ўзбекистон термасини Самвел Бабаян тарк этганидан сўнг биринчиси бўлади.
Изоҳ (0)