Ўзбекистон Президенти Шавкат Мирзиёев «Осиё тараққиёт банки иштирокида ‘Поп—Наманган—Андижон темир йўлини электрлаштириш’ лойиҳасини амалга ошириш чора-тадбирлари тўғрисида»ги қарорни имзолади, деб ёзади UzDaily.
2017 йил 20 апрель куни ОTБ Директорлар кенгаши Ўзбекистонга «Поп—Наманган—Андижон темир йўлини электрлаштириш» лойиҳасини амалга ошириш учун 25 йил муддатга (5 йили имтиёзли давр) 80 миллион долларлик қарз тақдим этишни маъқуллаган эди.
Лойиҳа беш йил (2017—2021 йилларда) ичида амалга оширилади. Ўзбекистоннинг лойиҳага ҳиссаси 122,03 миллион доллар эквивалентига тенг бўлади, шунинг 38,72 миллион доллари солиқ ва божхона имтиёзлари кўринишида, шунингдек, 72,09 миллион доллари «Ўзбекистон темир йўллари» АЖнинг ўз маблағлари ва 11,22 миллион доллари «Ўзбекэнерго» АЖнинг маблағларидир.
Ўзбекистон раҳбари «Поп—Наманган—Андижон темир йўлини электрлаштириш» лойиҳасининг техник-иқтисодий асосини ҳам тасдиқлади.
Изоҳ (0)