Хоразм вилояти солиқ бошқармаси томонидан концерт-томошалар фаолияти билан шуғулланаётган юридик ва жисмоний шахсларнинг белгиланган меъёрларга риоя этилиши юзасидан доимий равишда назорат тадбирлари амалга оширилиб келинмоқда, деб хабар беради бошқарма ахборот хизмати.
Хусусан, жорий йилнинг ўтган саккиз ойи давомида вилоятнинг барча шаҳар ва туманларида 160 дан ортиқ назорат тадбирлари ташкил этилди. Мазкур ўрганишлар давомида 170 та ноқонуний ҳаракатлар аниқланиб, мазкур ҳолатлар юзасидан тегишли чора-тадбирлар амалга оширилган. Хусусан, аудио, видео кассета ва лазер диск сотуви жараёнида 69 та ноқонуний ҳаракатлар аниқланиб, 21 мингга яқин видео кассета ва лазер дисклар савдодан олиб қўйилиб йўқ қилинган.
Вилоят давлат солиқ бошқармаси тақдим этган маълумотларга кўра, жорий йилнинг сентябрь ойигача бўлган давр мобайнида 100 га яқин ноқонуний концерт-томоша фаолияти билан шуғулланиш ҳолатлари аниқланган.
Масалан, Урганч шаҳрида Ш.Сапарбоев, Ж.Рўзметов, Р.Раманов, С.Отабоев, I.Рахмоновлар, Урганч туманида фуқаро I.Рахмонова, Хива туманида Р.Абдуллаев, Хазорасп туманида У.Довулов, Хонқа туманида Р.Явкачёв. О.Қурбоновалар тўй ва тантаналарда ҳеч қандай расмий ҳужжатларсиз сухандонлик фаолияти билан шуғулланиб келаётгани аниқланди.
Шунингдек, ўрганишлар давомида Урганч шаҳрида Г.Бекчанова, Н.Хударганова, Н.Панаева, З.Кушчанова, Хазорасп туманида С.Атаханова, О.Ибрагимова, Қўшкўпир туманида Ў.Ваисова, Н.Акрамова, Хонқа туманида Ю.Шерметовалар махсус лицензиясиз, тўйларда келишилган сумма асосида раққосалик билан шуғулланаётганлиги аниқланди.
Изоҳ (0)