Хоразм вилоятида солиқ соҳасидаги ҳуқуқбузарликларнинг барвақт олди олинишини таъминлаш, уларнинг профилактикаси самарадорлигини ошириш ва ҳуқуқбузарликларга йўл қўймаслик мақсадида вилоят давлат солиқ бошқармаси томонидан бир қанча тарғибот тадбирлари, тадбиркорлик субъектлари иштирокида очиқ мулоқотлар ҳамда давра суҳбатлари ташкил этилмоқда, деб хабар беради вилоят солиқ бошқармаси ахборот хизмати хабар бермоқда.
Хусусан, жорий йилнинг ўтган даври мобайнида суд ҳужжатлари асосида юридик ва жисмоний шахсларнинг 54,2 миллиард сўмлик солиқ қарздорлиги мажбурий тартибда ундирилган.
Шунингдек, Урганч шаҳридан рўйхатдан ўтган «Отаназар ҳисобчи» МЧЖ умумий овқатланиш фаолияти билан шуғулланган бўлиб, ушбу субъектда ўтказилган текширишда жамиятга нисбатан қўлланилган молиявий жаримадан муддати ўтган 30 миллион сўм солиқ қарздорлиги тўланмаганлиги сабабли, мазкур қарздорлик эвазига жамиятга тегишли Cobalt русумли автомашинаси хатловга олинди.
Шу каби,мажбурий ижро бюроси иш юритувида бўлган 76,8 миллион сўмлик ижро ҳужжатига асосан автотранспорт хизмати фаолияти билан шуғулланувчи «Жанубгазавтохизмат» унитар корхонасига тегишли Nexia русумли автомашинаси хатловга олинди.
Вилоят давлат солиқ бошқармаси ва ҳудудлардаги солиқ инспекциялари ходимлари томонидан ўтган икки ой давомида жойларда солиқ тўловчилар билан 22 марта профилактик суҳбатлар ташкил этилди ва мазкур тадбирларда аниқланган солиққа оид ҳуқуқбузарликка йўл қўйган шахсларга нисбатан расмий огоҳлантиришлар берилди.
Изоҳ (0)