Бухоро вилояти Вобкент туман ИИБга Қурувчи МФЙ Арабон кўчаси 28-уйда яшовчи 1963 йилда туғилган нафақадаги Хожиева Замира Ҳамроевна ариза билан мурожаат қилди, деб хабар беради Бухоро вилояти ИИБ матбуот хизмати.
Маълум бўлишича, нотаниш аёл унинг уйига келиб, унга турли кўнгилсизликлар ҳақида гапириб, агар у айтган ишларни бажармаса, уйида ва рўзғорида нохушликлар содир бўлишини айтган.
Аёл бало-қазолардан халос этувчи дуо ўқиб бериш эвазига ундан 640 000 сўм нақд пул, икки дона жами баҳоси 1 350 000 сўмлик аёллар узугини ҳамда бир дона хўроз ва товуғини қўлга киритиб воқеа жойидан яширинади.
Кейинги куни шахси номаълум бўлган аёл Замира Хожиеванинг уйига қайтиб келиб уйида бўлган барча пулларини олиб чиқиши лозимлигини, уларга «дуо солиб беришини», дуо солинган пуллар баракали бўлишини айтиб ундан 5000 АҚШ долларини қўлга киритиб, пуллар ўрнига қора селофанга ўралган қоғозларни алмаштириб қўйиб, ҳодиса жойидан яширинган.
Тезкор суриштирув ишлари давомида жиноятни Қашқадарё вилояти Шаҳрисабз тумани Тутзор МФЙ Қоракўл кўчаси 32-уйда яшовчи, 1982 йилда туғилган муқаддам Ўзбекистон Республикаси Жиноят Кодексининг 168-моддаси 1-қисми билан судланган Гулноза Мингбоева содир этганлиги аниқланган.
Ушбу ҳолат юзасидан Г.Мингбоевага нисбатан Ўзбекистон Республикаси Жиноят Кодексининг 168-моддаси 3-қисми билан жиноят иш қўзғатилган.
Изоҳ (0)