Чимкент акими (ҳокими) Габидулла Абдраҳимов шаҳар транспорти муаммосига бағишланган йиғилишда барча давлат хизматчиларига жамоат транспортидан фойдаланишни топширди. Бу ҳақда шаҳар ҳокимининг сайтига асосланиб, «Газета.uz» хабар берди.
Давлат хизматчиларига хизмат транспорт воситасидан фойдаланиш бир ойга тақиқланди. Бу шаҳар ҳокимига, унинг ўринбосарларига, бўлимлар раҳбарларига, туман ҳокимларига ва унинг ўринбосарларига, шунингдек, каммунал хизматлар раҳбарларига тегишли. Уларнинг хизмат машиналари шаҳар ҳокимияти автотураргоҳига жойлаштирилади.
Габидулла Абдраҳимов вазиятни ўнглаш учун саккиз ҳафта муҳлат берди. Бу вақт ичида жамоат транспортлари тўлиқ тартибга келтирилиши, бекатларга эса маршрут ҳақида маълумот берувчи лавҳа ўрнатилиши керак.
Бундан ташқари, ҳоким шаҳар полициясига йўловчиларни ташиш ва уларнинг хавфсизлигини таъминлашга доир алоҳида топшириш берди.
Изоҳ (0)