Нигерияда қочоқлар лагерига ҳужум уюштирилди, 29 киши ҳалок бўлди 

Нигерияда номаълум шахслар ички қочоқлар лагерига уюштирган ҳужум оқибатида 29 нафар тинч аҳоли вакили ҳалок бўлди. Бу ҳақда «Газета.ru» хабар бермоқда.

Ҳодиса Плато штатидаги маҳаллий бошланғича мактаб биносида рўй бергани билдирилмоқда.

Channel Television телеканалига кўра, хавфсизлик хизмати ходимлари ўқув юртида бўлган, бироқ ҳужум олдини олишни уддаламаган.

Штат губернатори Симон Лалонг хавфсизлик хизматлари раҳбарлари ва ҳукумат мансабдорлари иштирокида шошилинч йиғилиш чақирди.