Жанубий Кореянинг собиқ президенти Пак Кин Хе суд эшитувлари давомида биринчи марта унга нисбатан илгари сурилган айбловларни тан олди. Бу ҳақда «Коммерсант.ru» хабар бермоқда.
Пак Кин Хе дугонаси, сайлов кампанияси чоғида унга ёрдам берган Чхве Сун Силь атрофидаги коррупция можаросига аралашиб қолган эди. Айтилишича, аёл кўплаб корпорациялардан турли коррупцион схемалар орқали пул ундираётганидан президент хабардор бўлган.
Ушбу можаро туфайли Пак Кин Хе президентликдан кетди. Шундан бери иш юзасидан суд эшитувлари давом этмоқда.
Охирги суд йиғилишида ушбу жанжал учун собиқ давлат раҳбари айбни ўз зиммасига олди ва ярим йил давом этган тергов унинг учун «узоқ давом этган қийноқли давр» бўлганини таъкидлади.