Бугун,

  • USD 11095.31
  • RUB 173.84
  • EUR 10772.44

ЎФФ янги раҳбарият қўлига ўтганидан буён мамлакат Олий Лигаси ўйинларидан кейин учта ҳакам жиддий жазоланди.

Фото: «Championat.asia»

Фото: «Championat.asia»

Рустам Бобомуродов «Бухоро» — «Динамо» (0:0) ўйинидан кейин футболдан умрбод четлатилган бўлса, «Шўртан» — «Навбаҳор» (3:3) ўйинини бошқарган Олим Толибжонов 10 та беллашувга дисквалификация қилинди. Ва ниҳоят, «Пахтакор» — «Қўқон—1912» (2:0) беллашувини бошқарган ҳакамлар бригадаси, уларга қўшилиб учрашув инспектори ёппасига мавсум якунига қадар футболдан ташқарига чиқарилди.

Фото: «Championat.asia»

Фото: «Championat.asia»
«Championat.asia» нашри журналисти Хайрулла Холиқов Олий Лига 24-туридан ўрин олган учрашувда ҳакамлар қандай хатоларга йўл қўйганини таҳлил қилди. Ҳакамлар Қўмитаси йиғилишида айбланувчи ҳакамлар учрашувни сифатсиз бошқарган, дейилди. Бироқ айнан қайси жабҳаларда хатога йўл қўйгани конкрет айтилмади. Ўйинни қайтадан ўрганиб чиққан журналист эса 3 та баҳсли вазиятга тўхталди. Улардан 2 тасида «Пахтакор»нинг, 1 тасида эса «Қўқон—1912»нинг ҳисоб очувчи голи инобатга олинмаганди.

Биринчи вазият

Фото: «Championat.asia»

Фото: «Championat.asia»
Учрашувнинг 6-дақиқасида «Қўқон-1912» футболчиси Филипп Райевац ҳисобни очади. Бу вазиятда ўйиндан ташқари ҳолат йўқ эди ва бемалол айтиш мумкинки, қанот ҳаками Баҳодир Баҳромов хатога йўл қўйган.

Иккинчи вазият

Фото: «Championat.asia»

Фото: «Championat.asia»
35-дақиқа. Бу сафар «Пахтакор»нинг голи ҳисобга олинмайди. Бу гал Наби Рўзимов байроқчасини кўтаради ва офсайдни белгилади. У байроқчасини тўғри кўтарган, чунки Игорь Сергеев чиндан ҳам ўйиндан ташқари ҳолатда бўлган.

Учинчи вазият

Фото: «Championat.asia»

Фото: «Championat.asia»

2:0 ҳисобида олдинда бораётган «Пахтакор» 70-дақиқада яна тўп киритди. Дастлаб жарима майдончаси ташқарисидан футболчи тўпни дарвоза томон йўллади. Дарвозабондан қайтган тўп Игорь Сергеевга келиб тушди, у эса тўпни ўзидан қулайроқ вазиятда турган Безеррага етказиб берди ва бразилиялик футболчи гол уради.

Баҳодир Баҳромов бу сафар Сергеевни ўйиндан ташқари ҳолатда ҳисоблаб, байроқчасини кўтаради. Вазиятга икки хил ёндошиш мумкин, тўп дарвозага тепилган, демак, Сергеевда пассив ўйиндан ташқари ҳолат, тўп қайтганида мана шу футболчи уни эгаллаган. Ҳакамлар Қўмитаси бундай вазиятда қарор қандай бўлиши кераклиги ҳақида очиқ кўрсатма бермаганидан кейин, журналистлар аниқ фикр айта олмайди.

Битта қанот ҳакамининг 2 та хатоси сабаб 4 нафар ҳакам ва уларга яхши баҳо қўйган инспектор Игорь Нехочин мавсум якунига қадар «дам оладиган» бўлди. Журналист бунда савол қўяди: лайнсменга ишонган бош ҳакам, шу куни тўғри ишлаган лайнсмен Наби Рўзимев ва ўйинга умуман аралашмаган тўртинчи ҳакам Аскер Нажафалиевда нима айб?

Қуйида хатога йўл қўйган ҳакамдан ташқари қолган учта ҳакам ўз фикрларини билдирган.

Ишда ҳамма хато қилади, хато қилмайдиган одамнинг ўзи йўқ. Камдан-кам ҳакамларгина ўйинни бехато бошқариши мумкин.

Мен ўзимни ўйинда қўпол хатоларга йўл қўйдим, деб ҳисобламайман. Майдонда нимани кўрган бўлсам, шунга қараб қарор чиқардим. Мен учун Олий Лиганинг ҳар бир ўйини финалдек гап. Ҳар бир баҳсга жиддий тайёргарлик кўраман.

Тан олиш керак, учрашувда қанот ҳаками қўпол хатоларга йўл қўйди. Унинг ўйинга тайёр эмаслиги кўриниб қолди. Ҳаммамиз инсонмиз, толиқиш ҳаммада бўлиши мумкин, аммо ўзимни ўша ўйинни қўпол хатоларга йўл қўйган ҳолда бошқардим демайман.

Вадим Агишев, бош ҳакам

Ўйин тугаганидан сўнг назоратчи олдимизга келиб, хатоларни тушунтирди ва бизга баҳо қўйгач, ҳаммамиз тарқалдик. Мен Сергеевнинг ҳисобга олинмаган голини кейинчалик такрорий вазиятда кўрдим ва ўйиндан ташқари ҳолат борлигига яна бир карра амин бўлдим. Лекин майдоннинг нариги томонидаги шеригим ишига баҳо бермайман. Мен фақат майдоннинг бу қисми учун жавобгарман.

Мавсум охиригача четлатиш мен учун кутилмаган воқеа бўлди. Бу ҳақда танишларимдан эшитдим. Улар интернетдан ўқиб, кейин менга телефон қилишди. Бу йил ҳакамлик фаолиятимни тугатишим керак эди. Уни чиройли якунлаб қўйишнигина истагандим...»

Наби Рўзимов, қанот ҳаками

Ҳозир ўқишдаман, шу боис бу ҳақда бир нарса дейишим қийин. Мен учрашувда захира ҳаками вазифасини бажардим. Ўйинга аралашмаган бўлсам, мени нега четлатишди, ҳайронман. Лекин бизни федерацияга чақириб, изоҳ сўрашгани йўқ. Чақиришса, борамиз.

Аскер Нажафалиев, тўртинчи ҳакам

ЎФФ ҳакамларнинг четлатилгани бўйича хабар берди, бироқ уларнинг бирортасини ҳам етарли даражада очиқлаб бермади.

Изоҳ
Асосий янгиликлар
Дунё
Генерал Пётр Павел Чехиянинг янги президенти этиб сайланди
Дунё
Америкадаги рус мафияси бошлиғига айланиб, Россияда ўлим топган “қонундаги ўғри” — “Япончик”. Кун хронологиясида 29 январь
Маҳаллий
“Ўтган йил давомида ички ишлар ходимлари билан боғлиқ 644 та салбий видео тарқалган” — Шоҳрух Ғиёсов