Россия Либерал-демократик партияси етакчиси Владимир Жириновский интеллект коэффициенти (IQ) борасида АҚШ президенти Дональд Трамп ва Давлат котиби Рекс Тиллерсон билан беллашишга тайёрлигини билдирди. Бу ҳақда «ТАСС» хабар бермоқда.
«Трамп ўзи ва Тиллерсоннинг интеллектини солиштириб кўришни таклиф қилди. Мен бунга ўзимни ҳам қўшган бўлардим. Сизлар улкан Американи бошқаряпсиз, келинг, Россиядан ҳам иштирокчи бўлсин. IQ солиштирилишини олимлар ўтказсин, чиқишлар, луғат бойлиги, тилга олинган мавзуларни таққосласин. Кимнинг кимлиги дарров маълум бўлади», — деди Жириновский.
Трамп Forbes журналига берган интервьюсида Давлат котиби гўё уни «аҳмоқ» деб атаганлиги ҳақидаги овозаларга жавобан икковининг IQ тестларини солиштириб кўриш ва ким ғолиб чиқишига амин бўлишни таклиф қилганди.
Изоҳ (0)