Уч қитъа чемпионлари Россия—2018 га бормайди. Тўртинчиси Австралия бўлиши мумкин

Ўз қитъасининг амалдаги чемпионлари ҳисобланган мамлакатлар ЖЧ—2018 чиптасидан қуруқ қолди: Камерун, АҚШ ва Чили.

АҚШ термаси CONCACAF Gold Cup турнирининг 2017 йилгисида финалга қадар етиб келиб, ҳал қилувчи ўйинда Ямайкани 2:1 ҳисобида таслим қилган ва мусобақа ғолибига айланганди. ЖЧ—2018 саралашида эса америкалик футболчилар Мексика, Коста-Рика ва Панамага йўл очиб берди. Улар ҳатто плей-оффга йўлланма берувчи ўринга ҳам эга чиқа олмади.

АҚШ термаси ЖЧ—2018 саралашида «қаҳрамонларча ҳалок бўлди». Панама эса мундиалда

Чили эса Copa America турнирида қаторасига икки марта зафар қучишга эришганди. 2015 ва 2016 йилги мусобақаларда чилилик футболчилар финалда Аргентинани пенальтилар сериясига кўра таслим қилганди. ЖЧ—2018 саралашида эса улар сўнгги турни Бразилияга йирик ҳисобда бой бериб, мундиалдан четда қолди.

Месси сўнгги турда хет-трик қайд этиб, Аргентина термасини ЖЧ—2018 га олиб чиқди

Ва ниҳоят Камерун терма жамоаси Африка Миллатлар Кубоги мусобақасида 2017 йилги мавсум ғолиби бўлганди. Финалда улар Мисрга қарши саф тортиб, 2:1 ҳисобида устун келди. Мисрликлар Жаҳон Чемпионатига чиқди-ю, Камерун термаси чиптадан қуруқ қолди.

Маълумот учун, Евро—2016 чемпиони ҳисобланган Португалия термаси саралашни пешқадам сифатида якунлаб, Россия—2018 мундиалида иштирок этадиган бўлди. Энди бор эътибор Осиё Кубогида ғолиб чиққан Австралияга қаратилади.

Криштиану Роналду ва Европа чемпиони Португалия ЖЧ—2018 чиптасини қўлга киритди

Австралиялик футболчилар 2015 йил ўз майдонларида кечган Осиё Кубогида зафар қучишга муваффақ бўлганди. Улар ҳам юқоридаги уч мамлакат каби ЖЧга тўғридан-тўғри йўлланма юта олмади. Бироқ плей-оффда Сурияни таслим қилиб, имкониятни сақлаб қолди. Қитъалараро плей-оффда Австралия Гондурас билан ўйнайди. Масала шундан кейин ҳал бўлади.