Лондонда мачете ва болға билан қуролланган олти нафар жиноятчи заргарлик дўконига ҳужум қилди. Бу ҳақда The Guardian хабар берди.
Жиноятчилар воқеа жойига учта мопедда келган. Ўғриликдан сўнг улар битта мопедни дўкон олдида қолдирган ва иккитасида кетган, бироқ улардан бири қўшни кўчада йиқилган. Шундан сўнг олти киши битта мопедга ўтирган ва қочиб кетган. Воқеа оқибатида ҳеч ким жабрланмаган.
Заргарлик дўкони 1775 йилдан буён фаолият кўрсатиб келмоқда. Унинг харидорлари қаторига француз қироличаси Мария-Антуанетте ва британия бош вазири Уинстон Черчил кирган. Ўғрилар томонидан етказилган зарар ҳозирча баҳоланмаган.
Изоҳ (0)